Kostyum necə seçilməlidir? 5 qızıl qayda

Düzgün kostyum seçimi hər kişinin qarderobunun təməlidir. Birinci qayda — çiyin xətti. Pencəyin çiyin tikişi tam çiyninizin bitdiyi nöqtədə olmalıdır; nə sallanmalı, nə də dar durmalıdır.

İkinci qayda — qol uzunluğu. Pencəyin qolu bilək sümüyünə qədər çatmalı, köynəyin manjeti isə 1-1,5 sm görünməlidir. Üçüncüsü, pencəyin uzunluğu: əlinizi yanınıza saldıqda pencəyin ətəyi ovucunuzun ortasına düşməlidir.

Dördüncü qayda rəng seçimidir — ilk kostyum üçün sürmeyi və ya tünd boz ən universal seçimdir. Beşinci və ən vacib qayda: parça keyfiyyəti. Təbii yun parça həm nəfəs alır, həm də formasını uzun müddət qoruyur.

Elatus-da hər kostyumu sizin ölçünüzə uyğunlaşdırırıq — mağazamıza gəlin və ya WhatsApp-da yazın.